健身應唔應該搵PT教練？

【健身應唔應該搵PT教練？】

如果你想搵健身教練，不論係我或其他 PT，相信以下問題都幾常見。

1. 「首先我一直都有自己減肥，有去健身室，跟減肥食譜，又有做帶氧運動，但我比較懶，唔可以每日做運動。而且每次當我努力一段時間後，成效不大我又覺得很氣餒，於是又再放棄，如是者重重覆覆。有時我諗係咪我運動方法錯咗，先冇效果？」

咁你可以去參加私人健身教練訓練計劃，有以下好處：

i. 冇咁易偷懶。始終每次都約咗教練俾咗錢，冇咁易臨時唔去；同埋做嗰時會落力啲。

ii. 確保技巧正確，及為學生設計較合適的訓練流程、動作、重量、次數、節奏等。

iii. 解決問題。訓練時會遇上不同問題，例如有不尋常嘅痛楚，或做某動作時特別吃力，教練會幫你搵出原因及解決辦法。

iv. 確保安全。學生發力不正確、失平衡、頭暈時有教練救你。

iiv. 度身設計訓練計劃。教練會因應學生個人能力、進度及個人所需設計訓練計劃，貼身跟進運動成效，隨時調整內容，靈活彈性配合學生個人生活時間表。

=====

2. 「另外金錢都係一個問題﹗💸一個月花幾大千係運動上面，好似有啲吃力。」

依個人觀察，喺香港私人健身教練費用，的確平均都比其他國家貴，如英、美、加、澳、日。但香港消費指數高，呢一點我都無辦法解釋。🤷🏽‍♀️ 搵教練亦有平有貴，好似一般餐廳同米芝蓮餐廳一樣，任君選擇。

=====

3. 「我想減肥及養成良好運動習慣，有冇話一星期應該最少上多少堂先效果？」

如果想靠健身減肥增肌，一星期應該訓練 3 至 5 次。如果金錢及時間皆充裕，當然每次都跟PT教練上堂，效果最好，否則可按自己嘅情況決定。例如每星期只可以負擔 2 堂，那麼自己應抽時間獨自到健身室跟訓練課表 2 至3 次，如此類推。

=====

4.「如果我冇join任何健身中心，咁我平時可否可以上來你健身室做運動？或者我上堂後你會教我翻屋企自己做運動？」

我工作係freelance健身教練，只係俾私人教練租場教學生，冇提供健身室會藉。而我認為每個健身嘅人，都應該有個屬於自己嘅「主場」，即是一個地點方便就腳、環境及器材適合你嘅健身室，咁先可以養成健身嘅習慣，持之以恒，變成你自己 Lifestyle。

無錯，做 Gym 並唔係一年半載嘅事，而係一個Lifestyle，要有result，最緊要堅持。